按盤價 
《魚缸博客》近期北水愛股入面，南京熊貓電子（００５３３）可算得上磅之作，今日Ａ股
一下漲停，連帶港股呢邊都跟漲一成，博客無咩春江鴨先知風，純粹想旁敲側擊咁分析下呢隻股
究竟點解咁多人關注。
先睇睇最近公布業績，截至２０２４年３月３１日止首季虧損擴大至４５９２﹒３萬元人民
幣，而對上一年同期虧損３０３９﹒２萬元人民幣；每股基本虧損５﹒０３分人民幣。有公司股
東曾經問管理層，公司利潤下跌主要原因為產品結構調整，及部分業務交貨周期調整未達市場預
期，有無咩方法可以提升公司利潤咁；公司就只係答下會對部分產品結構進行了調整優化。不過
又兩睇，電子科技行業遇到製造業不景氣，係需要調整公司路線，例如行高端技術咁，但必然係
要經歷一下陣痛。
不過最近有消息指，公司考慮為旗下子公司提供９５００萬元人民幣融資擔保，相信近期股
價炒起可能係公司拎新資金研發新技術之類，係ＡＩ越趨成熟下，電子產品都要做一個「ＡＩ升
級」都係必然嘅事，相信會走呢個方向。
關鍵係，北水愛炒啊嘛！如果未有貨建議先買少少，如果炒到上三蚊可以考慮下先食胡，等
佢企搵三蚊再入手炒過。
《編者按》本欄搜羅即市傳聞，惟消息未經證實，《經濟通》亦不保證內容之準確性。
【你點睇】的士業「放蛇」舉報Uber，政府應否將網約車合法化？你是否支持該類自行「放蛇」行為？► 立即投票
